قصيدة عتب عراقــيــــه تــبــجــــــي

[ĄṽЯįℓ ♠ Ḷąṿįġήė]

بعد ما ريد فيزه ولا لجوء انـسان
.............. عمت عين الاقامه الدنست صـيتي
واشكر كل صديق وكل خوي وكل جار
.............. قـفل بابه ورفض يـقبل عراقيتي
خلف الله عليكم والوكـت دولاب
.............. لا بد يوم يـنزل بيكم ارضيتي
لان اول امس كل البشر زوار
.............. جانوا للـعراق واكلـوا ابيتـي
جان الضيف عندي مكرم ومهـيوب
.............. فوگ الراس اشـيله وهاي تربيتي
ما داعي اسولف وانه ابو النـهرين
.............. ياهو الـما سمع اخـبار حنيتي
بعد بصـمات اديهم والطبع موجود
.............. من جانوا جياع بوسط صيـنيتي
يـا دنـيه حرام ومـنكر ومـكروه
.............. اذا ابـن الـعراق الـيوم وطيتي
معـقوله نسيتي اسم الـعراق بساع
.............. لـو مثل الـبشر همن تـناسيتي
مـيفيد الحچي ولا تـنفع الـچـلـمات
.............. راجع يا وطن لترابـك الزيـتي
راجـع يـا حـبـيبة گـلبي يـا بغداد
.............. وادرى بكـثر ما ونـيت ونيـتي
وادري لوحدج عفناج صار سنين
.............. وادرى من الحزن تابوت سويتي
جيب الاغتراب وحـطه بالـتابوت
.............. يا غربه الـعراق شكثر اذيتي
ما اعيـش ابحر مالح طـعم يا ناس
.............. انه بسجن الـفرات وفقط حريتي وترابي ذهـب والگاع من ياقـوت
.............. ومن ثوب الكرامه البسهه بيريتي
واذا گالوا لترجع والوضع مو زين
.............. اگول اني الوضع والزين تاليـتي
وميهمني بعد ليصير خلي يصير
.............. طعم الموت اشرف من هجر بيتي
أموت بوسط خوتي ويا حلاة الموت
.............. من اجمع اهلـنه واكتب وصيتي
وصيتي لو متت لتچفنوني چفان
.............. لفوني بعلمنه وهاي امـنيتي
واذا تردون اليه بهالگبر ارتاح


.............. امانة الله دفنوا وياي جنسيتي

[أهواكي ياملاكي]

يسملــووو
موضوع روعه
ودي مع باقه ورد

[ĄṽЯįℓ ♠ Ḷąṿįġήė]

اقتباس : المشاركة الأصلية كتبت بواسطة ẲŁjőŐőҜŕ [ مشاهدة المشاركة ]

يسملــووو موضوع روعه ودي مع باقه ورد

شكرا لك من الاعماق مرورك الياسميني
كون بالقرب دائمآ ليكون الرقي بقربي
لك من الورد تلال
ومني اجمل التحايا

[الهدهد1]

موضووع شيق
عاشت الايادي دمت مبدع
وجعله في موازين حسناتك
تقبل مروري
تقديري

[ĄṽЯįℓ ♠ Ḷąṿįġήė]

اقتباس : المشاركة الأصلية كتبت بواسطة الهدهد1 [ مشاهدة المشاركة ]

موضووع شيق عاشت الايادي دمت مبدع وجعله في موازين حسناتك تقبل مروري تقديري

فائق شكري وتقديري لك
ودادي لسموك الكريم